Bütün işlərdə olduğu kimi idman sahəsində də həvəskarlıq və rəğbətin yaradılması mühümdür. Çünki çoxları idmana bir peşə, yaxud iş kimi baxır. Halbuki, biz idman və onun növlərini diqqətlə nəzərdən keçirsək görərik ki, idmanın əksər növləri insan bədəninin sağlamlığına xidmət edir. Sağlamlığımız isə həyatımızda mühüm rol oynayan amillərdəndir. Bəzi yeməklər, ekologiyanın çirklənməsi, atmosferdəki pozuntular, fərdi və ictimai həyatımızda olan sıxıntılar sağlamlığımızı təhlükə altına salır. Həkimlərin dediyinə əsasən idman növlərinin vasitəsi ilə yuxarıda sadaladığımız problemlərlə bağlı təsirləri aradan qaldırmaq olar.
|
